Русия: садҳо муҳоҷирони меҳнатӣ бо COVID-19 сироят ёфтаанд
Аз замони сар задани эпидемияи COVID-19 дар Русия садҳо муҳоҷирон аз кишварҳои Осиёи Марказӣ бо он сироят ёфтаанд, менависад «Настоящее время«. Мақомоти Русия омори дақиқеро дар бораи хориҷиёни сироятёфта надорад, аммо шаҳрвандони Тоҷикистон ҳамарӯза дар бораи марги ҳамватанони худ дар шабакаҳои иҷтимоӣ гузориш медиҳанд.
Дар аввали моҳи май дар шаҳри Санкт-Петербург як муҳоҷири 40-сола аз Тоҷикистон Ҷаҳонгир Азизов аз коронавирус вафот кард. Ҷасади ӯ як ҳафта боз дар яке аз моргҳои шаҳр қарор дорад. Ба гуфтаи хешовандон, ба бародари марҳум танҳо либосҳояш дода шудааст ва ба ӯ хабар дода шудааст, ки ҷасадро пас аз ташхиси иловагӣ барои дафн супурда мешавад. Ба гуфтаи падари Ҷаҳонгир, Идибек Азизов шаҳрдори Санкт-Петербург барои ҷой дар қабристон 80 ҳазор рубл талаб кардааст. «Онҳо гуфтанд, ки ҳоло барои додани ҷасад иҷозате дода нашудааст», — мегӯяд Идибек Азизов. Ҳоло мо интизори таҳлили такрорӣ ҳастем. Намедонем, ки оиди натиҷаҳо моро каӣ воқиф мекунанд ва ҷасадро бармегардонанд, сипас барои дафн харидани замин низ маблағ ҷамъ кардан лозим аст. Аниқ нест. Ҷаҳонгир бад аз худ зан ва панҷ фарзандашро боқӣ мондааст.
Илова бар ин, мусоҳибони Ҳабархо аз Тоҷикистон ва Ӯзбекистон, ки айни замон дар шаҳрҳои Русия зиндагӣ ба сар мебаранд, гузориш доданд, ки дар натиҷаи сироят ёфтан аз вируси мазкур дӯстон ва хешовандони онҳо дар пеши чашми онҳо вафот кардаанд. Баъзе аз пурсидашудагон шикоят карданд, ки беморхонаҳои Русия муҳоҷиронро бо нишонаҳои ошкоршудаи коронавирус қабул намекунанд.
