Дар Тошканд нақша доранд ибодатгоҳи буддоӣ бисозанд
Чи тавре ки Podrobno.uz ба ҳукумати пойтахт такя карда иттилло медиҳад, дар Тошканд нақша доранд ибодатгоҳи буддоӣ бисозанд. Ин дар натиҷаи гуфтушунид байни сафири Ҳиндустон Сантош Ҷа ва ҳокими пойтахт Ҷаҳонгир Артиқхӯҷаев маълум шуд.
Зимни мулоқот Сантош Ҷа аз раиси пойтахт дар як қатор масъалаҳо хоҳиш намуд, ки мусоидат намояд ва ба муносибати 150-солагии зодрӯзи Маҳатма Гандӣ ифтитоҳи муҷассамаи ӯ кӯмак кунад, инчунин аз тарафи ҷамъияти Ҳиндустон барои ҷудо намудани замин барои сохтмони як ибодатгоҳи буддоӣ дархост шудааст. Дар навбати худ, шаҳрдори Тошканд Артиқхӯҷаев омодагии худро барои мусоидат намудан дар ҳалли ин масъалаҳо, ки дар доираи салоҳияти ӯст, баён намуд.
Хабарнигори Хабарҳо оиди шарҳи қазияи мазкур ба блогери маъруфи исломӣ Маҳмуд Абдулмуъмин муроҷиат намуд:
«Имрӯз ҳарчанд кишвари Ӯзбекистон ҳамчун кишвари исломӣ бошад ҳам, дар он сиёсати секуляристӣ татбиқ мегардад ва режим на танҳо барои сохтмони ибодатгоҳи буддоӣ, балки барои сохтмон ва кушодашавии марказҳои дилхушии гуногун ба монанди клубҳои шабона, казино ва ғайра ки дар онҷо ба таври пурра бадахлоқӣ паҳн мешавад, ки дар натиҷа ба вайроншавии ҷомеа мебарад, мусоидат мекунад. Аз ҳама тааҷҷубовар он аст, ки режими Ӯзбекистон инро бо дунявият ва демократия сафед намуда, ҳамзамон кушодашавии масҷидҳоро манъ карда, бо набудани ҳуҷҷатҳои зарурӣ шарҳ медиҳад”.
