9-уми май дар Тоҷикистон: Раҳмон аз терроризм огоҳ мекунад

9-уми май дар Тоҷикистон: Раҳмон аз терроризм огоҳ мекунад

Раисҷумҳур Эмомалӣ Раҳмон ба ифтихори 9-уми май бо ҳамроҳии писараш, Раиси Палатаи болоии парлумон Рустами Эмомалӣ дар боғи Ғалабаи пойтахт гулчанбар гузошт.

Раҳмон дар баромади худ қайд кард, ки ҷаҳони муосир пас аз ғалаба бар фашизм ба «балои» нав — радикализм, экстремизм, терроризм рӯ ба рӯ шуд. Ба гуфтаи ӯ бояд алайҳи чунин таҳдидҳо дастаҷамъона мубориза бурда шавад. «Мубориза алайҳи чунин таҳдидҳои муосир муносибати ҷиддӣ ва масъулиятнокӣ, саъю талоши муштарак ва тадбирҳои ҳамоҳангшудаи тамоми халқҳо ва давлатҳои ҷаҳонро тақозо мекунад»- гуфт ӯ.

Мушоҳидон қайд мекунанд, ки ҳарсол дар Тоҷикистон, пас аз Русия, муболиға ва фарохшавии фаъолиятҳои марбут ба ном «Рӯзи Ғалаба» ба чашм мерасад. Дар Русия, услуби мазкурро Кремл барои муттаҳид намудани мардуми сершумори кишвар дар зери парчами ватандӯстӣ ва гузаштаи ягонаи шӯравӣ истифода мебарад. Дар кишварҳои Осиёи Марказӣ, ба ном  «Парастиши Ғалаба» барои таҳкими ҳукмронии Русия аз болои собиқ мустамликаҳои худ истифода мешавад ва золимони содиқи таҳти назорати  Русия буда кӯшиш мекунанд, ки дар таблиғи ин парастиш бо якдигар мусобиқа кунанд. Масалан, санаи 8-уми майи соли 2015, дар нишасти ғайрирасмии кишварҳои ИДМ, Президенти он вақтаи Қирғизистон Атамбаев изҳори норозигӣ кард, ки раҳбарони ИДМ ба ҷашни 9 май эҳтиром наменамоянд, дар он вақт ҳатто Ислом Каримов ҳамтои худро барои ҷидду ҷаҳди зиёд дар ин масъала сарзаниш карда буд.

Коршиносон қайд мекунанд, ки Тоҷикистон ҳарсол бо шарофати мақомоти кишвар ва созмонҳои ҷамъиятии таҳти назорат қарордошта ҷашни 9-уми майро васеъ ҷашн мегиранд, ин бори дигар нишон медиҳад, ки Тоҷикистон ба доираи тобеияти Русияи дорои фарҳанги таҷовузкор ва сиёсати ғосиб бармегардад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.