Миллиардҳо барои таблиғи ислоҳотҳои Мирзиёев
Миллиардҳо маблағҳои буҷа барои ситоиши ба ном «Ислоҳот»- и раиси ҷумҳури Ӯзбекистон, ки эҳтимолан бори дуввум ба мансаби раёсати ҷумҳурӣ рӯзи 24 октябри имсол интихоб мешавад сарф мешавад, менависад Озодлик.
Тибқи гузоришҳо, созмондиҳандаи ин раванд муовини сарвазири кишвар Азиз Абдуҳакимов, таблиғгари асосии ҳукумат мебошад. Ин мақомдор, ки мустақиман аз ҷузъиёт огоҳ шудааст, ба хабарнигорон гуфт, ки моҳи гузашта Абдуҳакимов тамоми муовинон ва котибони матбуотии вазорату муассисаҳои давлатӣ, кумитаҳо ва ташкилотҳои давлатиро барои мулоқот гирд оварда буд. Дар ин ҷаласа, ӯ ба вазорату кумитаҳо ва сохторҳои давлатӣ амр кард, ки маблағҳоро ба суратҳисоби Ассотсиатсияи Миллии Расонаҳои Электронии Ӯзбекистон (АМРЭӮ — иттиҳодияи ғайриҳукуматӣ) интиқол диҳанд, то мундариҷаи иттилоотро дар бораи «ислоҳотҳои ҷорӣ» омода кунанд.
Қобили зикр аст, ки раиси ассотсиатсияи мазкур сарватманди ВАО Фирдавс Абдухаликов мебошад, ки соҳиби Агентии миллии «Ӯзбеккино», якчанд шабакаҳои телевизионии хусусӣ ва сомонаҳои иттилоотӣ мебошад. Агар вай дар давраи ҳукмронии Ислом Каримов таблиғгари асосии духтари калонии Каримов, Гулнора Каримова ҳисобида шуда бошад, пас дар давраи ҳукумати кунунӣ ӯ ба таблиғгари асосии ислоҳотҳои Шавкат Мирзиёев табдил ёфт.
Сухан дар бораи интиқоли иҷборӣ ба суратҳисобҳои ин ассотсиатсия миллиардҳо аз буҷа ҷудошуда меравад. Ин дар доираи созишномаҳои байни АМРЭӮ аз як тараф ва аз ҷониби дигар мақомоти давлатӣ ва бонкҳо амалӣ карда мешавад. Тибқи шартҳои ин созишномаҳо, вазоратҳо, муассисаҳои давлатӣ ва бонкҳои кишвар бо миллиардҳо барномаи медиавии ин иттиҳодия «Узбекистони нав, Нигоҳи нав» -ро ба даст меоранд. Ҳаҷми дақиқи ин маблағҳо аз имконоти молиявии вазоратҳо ва муассисаҳои давлатӣ вобаста аст. Баъзе вазоратҳо вазифадор шуданд, ки як миллиард сум, бонкҳои тиҷоратӣ — ду миллиард, баъзе муассисаҳои давлатӣ — панҷ миллиард сумро интиқол диҳанд. Дар навбати худ, АМРЭӮ ӯҳдадор мешавад рӯйхати хидматҳоро ба монанди инъикоси фаъолияти вазоратҳо дар пахши хабарҳои шабакаҳои телевизионии узви АМРЭӮ, дар шабакаҳои иҷтимоӣ ва ғайра паҳн кунанд.
Намояндаи АМРЭӮ, Раҷаббой Раҷабов дар посух ба суоли рӯзноманигори «Озодлик» дар бораи моҳияти ин созишнома гуфт, ки гӯё ҳеҷ кас маҷбур нашудааст ба суратҳисоби ассотсиатсия пул гузаронад, ассотсиатсия танҳо пешниҳод кардааст, ки зиёда аз 50 лоиҳаро дар платформаҳои гуногун амалӣ гардонида шавад. Ба гуфтаи ӯ, ҳукумат ба ин созишномаҳо дахолат намекунад. Ҳамзамон, вай ин маълумотро тасдиқ кард, ки моҳи гузашта дар ҷаласаи таҳти раёсати муовини сарвазир Азиз Абдуҳакимов баргузор гардида, иштирокчиёни маҷлис бо барномаи медиавии «Ӯзбекистони нав, Нигоҳи нав» шинос шуданд.
Ҷолиби диққат аст, ки чунин ҳолатҳо дар кишварҳои Осиёи Марказӣ доимо рух медиҳанд ва тағирёбии режим дар ин минтақа принсипҳоеро, ки дар асоси муносибатҳои байни давлат ва ҷомеа сохта мешаванд, тағйир намедиҳад. Ба гуфтаи таҳлилгарон, тағирёбии режим дар кишварҳои Осиёи Марказӣ тариқати идоракуниро тағйир намедиҳад, зеро системаи ҳукумат ва элита дар ин минтақа бетағйир боқӣ мемонанд.
