Русия ва Ӯзбекистон якҷоя шабакаи телевизионӣ мекушоянд
Ӯзбекистон ва ҶС «Шабакаи аввал»-и Руссия дар чорчӯбаи ҳамкории медиа-коммуникатсионӣ якҷоя шабакаи телевизионӣ ташкил медиҳанд.
Чи тавре ки ОИ «ТАСС» ба хадамоти матбуотии Мининфоком такя намуда иттилоъ медиҳад, масъалаи зерин 16-уми апрел дар рафти вохӯрии Вазири технологияи иттилоотии Ӯзбекистон Азим Аҳмадхоҷаев ва ҷонишини вазири алоқа ва коммуникатсияи оммавии ФР Алексей Волин дар шаҳри Тошканд муҳокима карда шуд.
“Дар рафти сӯҳбат намояндагони рус ба ҳамкасбони ӯзбек оиди гузаштани Русия ба телевизиони рақамӣ шинос кард ва ҳамчун ҳал барои ташкил намудани телевизиони дастрас платформаи русиро пешниҳод намуд. Ғайр аз ин, тарафайн оиди ташкил намудани шабакаи дуҷонибаи телевизионӣ бо ҶС «Шабакаи аввал» муҳокима карда шуд”, -гуфта шудааст дар иттилоъ.
Қайд карда шудааст, ки дар вохӯрӣ намояндагони идораи оид ба корҳои президенти ФР, ВГТРК, шабакаҳои телевизионии «Русия Имрӯз», «Шабакаи аввал» ва «Русия 24» иштирок варзиданд.
Ҳар ду ҷониб оиди гузаронидани бар асоси доимӣ форумҳо ва семинарҳои махсус барои хадамотҳои матбуотии органҳои давлатии Ӯзбекистон ба мувофиқа расиданд.
Мутахассисон қайд мекунанд, ки шароити аз ҷиҳати геополитикӣ муҳим будани Ӯзбекистон дар Осиёи Миёна, Русия водор месозад ки нуфузи худро, инчунин дар соҳаи медиа дар кишвари мазкур паҳн намояд.
