• Home »
  • Habarho »
  • Ҳукумати Тоҷикистон барои эҳёи ибодатгоҳи зардуштиён $1 млн доллар сарф намуд

Ҳукумати Тоҷикистон барои эҳёи ибодатгоҳи зардуштиён $1 млн доллар сарф намуд

Ҳукумати Тоҷикистон дар шаҳри Истаравшан барои бунёди ибодатгоҳи оташпарастон аз буҷаи давлат $1 млн доллар сарф намуд.

Мутахассис оид ба осорҳои таърихии шӯъбаи маданияти шаҳри Истаравшан Баротбоӣ Ҷумаев ба хабарнигорон оиди қарори мазкур чунин шарҳ дод.

«Чунин иморати динии зардуштӣ аз асри 5 то мелод боқӣ мондааст. Дар теппаи «Муғ»- е, ки дар замони қадим қароргоҳи ҳокими маҳаллӣ ҷойгир мешуд. Аз он давр то ба имрӯз ғайр аз вайронаҳои ибодатгоҳи ориёиҳо боз дарвоза ва гунбаз бо ду минора боқӣ мондааст», гуфт ӯ.

Барои таъмири қалъа аз буҷаи давлат $1 млн доллар ҷудо шудааст. Маблағи ҷудошуда ба корҳои таъмир кифоят накард ва ҳукумати маҳаллӣ барои ба итмом расонидани корҳои таъмири кӯмаки молиявии соҳибкоронро ҷалб намуд. Ба итмом расонидани корҳои бунёдшавии қалъа ба рӯзи ваҳдати миллӣ санаи 27 июн ба нақша гирифта шудааст.

Ёдрас мекунем, ки Раҳмон якчанд маротиба дар бораи дини зардуштӣ суханҳои писандомез иброз намуда буд ва бо ин дини зардуштӣ ин дини қадими тоҷикон аст гӯён чунин фикрро пеш мебарад.