Афсар ба мӯҳлати 7 сол ба зиндон маҳкум гардид
Дар Тоҷикистон барои сафедкунии экстремизм аз ҷониби додгоҳи горнизони ҳарбии вилояти Хатлон афсари муддатӣ ба 7 соли зиндон маҳкум карда шуд. Тибқи иттилои радиои Озодӣ, сокини ноҳияи Рӯдакӣ Бежан Иброҳимов дар яке аз қисмҳои горди миллӣ Тоҷикистон хизмати ҳарбии муддатӣ адо менамуд фасли баҳори имсол дастгир карда шуд.
Нисбати Бежан Иброҳимов ва ду нафар ҷӯрааш бо моддаи 307 қисми 1, «Даъвати оммавӣ барои фаъолияти экстремистӣ ва сафедкунии фаъолияти экстремистӣ» КҶ ҶТ парвандаи ҷиноӣ оғоз гардид.
Худи Бежан Иброҳимов дар саҳифаи сомонаи иҷтимоӣ «Одноклассники» бо гузоштани сурати байрақи гурӯҳи Ансоруллоҳ, ки дар асл байрақи Ислом бо шаҳодат аст, айбдор дониста мешавад. Инчунин, номбурда дар саҳифаи худ бо собиқ ҳамсинфаш, ки айни замон дар Сурия ё Ироқ мебошад, мукотиба менамудаст.
