Тандурустии сокинони Тоҷикистон дар зери хатари ҷиддӣ мебошад

Чи тавре ки радиои Озодӣ иттилоъ медиҳад бинобар сабаби заводҳои сементбарории чинӣ ҳаёт ва тандурустии шаҳрвандони Тоҷикистон дар баъзе маҳалҳои зист дар зери хатар қарор дорад.

Заводҳои сементбарории Чинӣ, ки боиси ифтихори Раҳмон ҳастанд ва кашфи онҳоро ҳамчун як муваффақиятҳои ҳукумати худ муаррифӣ менамуд, акнун ба норозигии мардум дучор гардид.

Радиои Озодӣ ба сокинони маҳаллаи Хуҷамбиё такя намуда хабар медиҳад, ки аҳолии ноҳияи мазкур аз сахт ифлос шудани ҳаво шикоят мекунанд.

Ба ақидаи муҳитшиносон истеҳсоли семент ба муҳити зист зараровар мебошад ва заводҳои мазкур дар аксарият кишварҳо берун аз маҳалҳои зист сохта мешаванд.

Ҳамоҳангсози ташкилоти ғайридавлатии «Замини хурд» Наталя Идрисова мегӯяд: «Касе маълумот намедиҳад, ки чи гуна таҷҳизоти тозакунии партовҳои зараровар ба атмосфера ҷойгир ҳаст ва аз куҷо оварда шудааст». «Мегӯянд, ки ҳамаш хуб аст, ба роҳ монда шудааст. Вале ягон маълумоте ё ҳисобот оиди ин мавзӯъ пешниҳод намекунанд. Айни замон кишвари Чин заводҳои сементбарории худро ихтисор карда, кӯшиш дорад онҳоро ба кишварҳои дигар бикӯчонад», мегӯяд ӯ.

Ғайр аз ин, аз эҳтимол дур нест, ки Тоҷикистон боз 40 соли оянда як намуди сӯзишвории ифлосро дар саноати худ истифода мебарад. Аксарияти саноати кишварро ба истифода бурдани ангишт гузарондан муҳити зистро ба ҳолати фалокатовар бурда мерасонад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.