Дар Москва ҳомии ҳуқуқ Иззат Амон рабуда шуд

Дар Москва ҳомии ҳуқуқ Иззат Амон рабуда шуд

Дар Москва, рӯзи 25-уми март, роҳбари маркази тоҷикон ва фаъоли маъруфи ҳуқуқи башар Иззат Амон аз ҷониби кормандони полиси Москва рабуда шуд, дар ин бора рӯзноманигори рус Надежда Кеворкова дар сафҳаи худ дар Фейсбук маълумот нашр кардааст.  “Имрӯз дар Москва фаъоли ҳуқуқи башар ва ҳимоятгар Иззат Амон аз ҷониби полиси Москва рабуда шуд.  Худи ӯ танҳо тавонистааст дар ин бора ба хешовандонаш хабар диҳад ва ҳамоно иртибот қатъ шудааст.  Мақомоти Тоҷикистон ӯро барои видео навори соли 2019 алайҳи манъи ҳиҷоб дар Тоҷикистон маҳкум карданд», — навиштааст рӯзноманигор.

Тибқи иттилои Озодӣ, қаблан Додгоҳи Тверскои шаҳри Москва Иззат Амонро барои «фаолияти ғайриқонунӣ дар Русия» айбдор карда буд.  Қарори додгоҳ рӯзи 16-уми март эътибор пайдо кард.  Додгоҳи Тверской хабар дод, ки фаъоли ҳуқуқи башар барои вайронкунии моддаи 18.10 Кодекси ҳуқуқвайронкунии маъмурии Федератсияи Русия (Фаолияти ғайриқонунии шаҳрванди хориҷӣ ё шахси бидуни шаҳрвандӣ дар Федератсияи Русия) айбдор дониста шудааст.

Дар шабакаҳои иҷтимоӣ паёми видеоии Иззат Амон ба президенти Русия Путин пайдо шуд, ки дар сурати рабудан ва ба режими Тоҷикистон боздод шудани ӯ пешакӣ сабт кардааст.  Дар муроҷиати худ, фаъоли ҳуқуқи башар мегӯяд, ки  вақтҳои охир ӯ таҳти назорат буда, дар бораи бекор шудани шаҳрвандии ӯ дар Русия бо фармони мақомоти Тоҷикистон огоҳнома гирифтааст.  Инчунин ҳомии ҳуқуқ эълом дошт, ки ба мақомоти амниятии Русия аз мақомоти Тоҷикистон фармоиш шудааст, ки ӯро ба Тоҷикистон боздод кунанд. Дар охири муроҷиати видеоӣ, ҳомии ҳуқуқ мегӯяд, ки агар ин муроҷиат нашр шавад, пас ӯ дигар дар қаламрави Русия нест.

Ёдрас мекунем, ки соли 2019 алайҳи Иззат Амон дар Тоҷикистон бар асоси моддаи 307 Кодекси ҷиноятии Ҷумҳурии Тоҷикистон (Даъватҳои оммавӣ барои тағир додани сохти конститутсионӣ бо истифода аз васоити ахбори омма), барои видеои дар шабакаи иҷтимоӣ нашршуда парвандаи ҷиноӣ оғоз шуда буд, ки дар он ӯ ба режими Тоҷикистон дар мавриди манъи пӯшидани ҳиҷоб интиқод кард.

Тавре ки маълум шуд, Иззат Амон чанд рӯз қабл, пас аз огоҳ шудан дар бораи маҳрум шудан аз шаҳрвандии Русия, бо хешовандонаш дар бораи эҳтимоли интиқол ба режими Тоҷикистон сӯҳбат кард, дар ин бора яке аз шарикони ҳомии ҳуқуқ Бахтовар Ҷумъаев дар паёми видеоияш нақл кардааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.